العيد عزومات و عادات

أخيراً جه العيد بعد أنتظار و معه تكتر العزومات خصوصاً أن نص المدارس افلت و اللى مدرسته ماقفلتش ممكن تقفل خلال هذه الأجازة ربنا يسطر. و كل عام و أنتم بخير.
عموماً فى بعض العادات يجب أتباعها فى عزومات العيد أو أى عزومة تانية:-
1-لازم نأكل نص بطن فى البيت قبل مانروح عند الناس .

2--لازم نروح متأخرين عن المعاد ب5 دقائق ربع ساعة كده عشان ندى وقت أكبر للناس عشان تجهز.

3-يجب أحضار هدية طبعاً ممكن تكون شوكولاتة أو زهور أو تابلوه حلو.

4-ممكن لما توصلى يكون الأكل كله ماخلص أعرضى المساعدة على ست البيت و أذا رفضت لا تكررى العرض لأن فيه بعض الناس مايحبوش أن حد يدخل مطبخهم.

5-عندما تبدأ الناس التوجه إلى الطعام أنتظرى الجميع حتى يجلس ثم يمكنك الجلوس.

6-أشربى كوب ماء قبل الأكل حتى تمتلئ معدتك.

7- أن كان هناك صنف لا تحبيه و عرض عليكى أكله كلى قليلاً منه يعنى عشان متزعلش صاحبة العزومة.

8-حاولى ألا تكونى أول من ينتهى من أكله و لا أخر من ينتهى من أكله.

9-بعد الأنتهاء من غسل يديك قوم بمدح الأكل مدحاً جماً حتى لو ماعجبكيش.

10-بعد الأنتهاء خالص من الزيارة يحب و لابد أنك تعلنى أن شكرك و تقومى بعزومتهم على الغداء أو العشاء أو حتى على مطعم.

نصيحة ميرنا إليكى للعيد:- حاولى عدم الأكثار من تناول اللحم و الأطعمة الدسمة فى العيد كى لا تصابى بالتخمة و العيد لا يعنى أكل فتة و لحمة كل يوم . و لا تنسى زيارة كل العائلة أو حتى الأتصال بهم.

Mirna